Arif Babayev Türkiyədə xəstəxanaya yerləşdirildi
20.sentyabr.2019 13:31
203

Arif Babayev Türkiyədə xəstəxanaya yerləşdirildi

Azərbaycan Milli Konservatoriyasının "Muğam" kafedrasının müdiri, Xalq artisti Arif Babayev əməliyyat olunub.

"Yeni Sabah" "Report"a istinadən xəbər verir ki, bunu Milli Məclisin Hüquq siyasəti və dövlət quruculuğu komitəsinin üzvü Çingiz Qənizadə Bakıda keçirilən "Sosial şəbəkələrdə söyüş, təhqir və böhtana YOX deyək" adlı tədbirdə deyib.

Onun sözlərinə görə, Arif Babayev xaricdə müalicə aldığı üçün tədbirə qatılmayıb. Daha sonra Xalq artisti telefon bağlantısı vasitəsilə tədbirə qoşulub və öz fikirlərini bölüşüb.

Qeyd edək ki, 81 yaşlı A.Babayev Türkiyənin İstanbul şəhərindəki xəstəxanalardan birində ayağından əməliyyat olunub. 

Oxşar xəbərlər