Oqtay Gülalıyevdən təzə xəbər var
28.yanvar.2020 18:20
362

Oqtay Gülalıyevdən təzə xəbər var

Türkiyədəki "American Hastanesi"ndə müalicə alan hüquq müdafiəçisi Oqtay Gülalıyevin səhhəti ağır-stabil olaraq qalır.

"Yeni Sabah" xəbər verir ki, bunu Modern.az-a açıqlamasında hüquq müdafiəçisinin oğlu Təbriz Gülalıyev bildirib.

Onun sözlərinə görə, əməliyyatdan sonra hər şey qaydasındadır.

T.Gülalıyev qeyd edib ki, hələlik atası komadan ayılmayıb:

"Reabilitasiya dövrü komadan ayıldıqdan sonra olacaq. Komadan ayıldıqdan sonra isə hansı fəsadların qalacağı bilinmir".

Xatırladaq ki, Oqtay Gülalıyev ötən ilin oktyabr ayında Bakıda taksi fəaliyyəti ilə məşğul olan sürücü Kənan Abdullayevin idarə etdiyi "Hyundai Accent" markalı avtomobillə vurulub. Bakı Şəhər Baş Polis İdarəsinin məlumatına görə, sürücü Oqtay Gülalıyevi Kliniki Tibbi Mərkəzə çatdırıb. İlkin tibbi yardım göstərildikdən sonra Oqtay Gülalıyev "City Hospital"a köçürülüb, oktyabrın 30-u saat 13 radələrində burada əməliyyat olunub.

Beyin əzilməsi diaqnozu qoyulan Oqtay Gülalıyev noyabrın 1-də Respublika Neyrocərrahiyyə Xəstəxanasının reanimasiya şöbəsinə köçürülüb. Bir gün sonra Türkiyəyə aparılıb. Onun bütün müalicə xərclərini Heydər Əliyev Fondu öz üzərinə götürüb.

Oxşar xəbərlər