YENISABAH.AZ-a icazə verərək ən aktual xəbərləri dərhal öyrənə bilərsiniz.
İlk bilən siz olun!
Daha sonra
İcazə ver
“Minsk-2019“ II Avropa Oyunları 100-dən çox ölkədə yayımlanacaq

“Minsk-2019“ II Avropa Oyunları 100-dən çox ölkədə yayımlanacaq

İdman

26 Yanvar 2019 18:01 793


"Minsk-2019" II Avropa Oyunlarını 120-dən çox ölkədə izləmək mümkün olacaq.

Avropa Olimpiya Komitələrinin verdiyi məlumata görə, Beynəlxalq İdman Yayımı (ISB) Oyunların yayımı üçün 100-dən çox telekanalla razılığa gəldiyini açıqlayıb. Anlaşma əldə olunanların çoxunun Avropanın aparıcı telekanalları olduğu bildirilir. Ümumilikdə isə "Minsk-2019" üçün 106 ölkədən 500 milyon potensial tamaşaçının olacağı vurğulanıb.

ISB Oyunlardan təqribən 500 saat yayım həyata keçirəcək. Bura gündəlik yarışların geniş canlı yayımı ilə yanaşı, əsas hadisələrin yayım paketi də daxildir. Qurum açılış və bağlanış mərasimlərini də ekranlara gətirəcək.

Qeyd edək ki, Belarus paytaxtında 21 - 30 iyunda keçiriləcək II Avropa Oyunlarına 15 növ üzrə 5000-dən çox idmançı qatılacaq. 9 növ üzrə yarışlar 2020-ci il Tokio Yay Olimpiya Oyunlarına lisenziya xarakteri daşıyacaq. 4 növ üzrə mübarizə isə həm də rəsmi Avropa çempionatı sayılacaq. Kişilər 91, qadınlar 89 yarışda iştirak edəcəklər. Daha 21 yarış isə qarışıq olacaq.   

 

Report


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!