Abşeron rayonunda məktəbəqədər təhsil müəssisələrinin fəaliyyətə başlaması üçün lazimi hazırlıq işləri görülür.
Yenisabah.az xəbər verir ki, bu barədə Abşeron RİH-nin mətbuat katibi Seymur Qasımov məlumat verib. O bildirib ki, fevralın 15-dən uşaq bağçalarının açılması nəzərdə tutulur. Bununla əlaqədar olaraq Abşeron Rayon İcra Hakimiyyətinin başçısı İradə Gülməmmədovanın tapşırığına əsasən rayon ərazisindəki məktəbəqədər təhsil müəssisələrində müvafiq sanitar-gigiyenik normalara və xüsusi karantin rejiminin tələblərinə əməl edilməklə dezinfeksiya və deratizasiya işləri aparılıb.
"Uşaq bağçalarının tərbiyəçiləri və texniki işçiləri hazırkı şəraitdə işləmək qaydaları barədə təlimatlandırılıb. Məktəbəqədər təhsil müəssisələrinin həyətləri, yataq, oyun, mətbəxləri və digər otaqları təmizlənib. Otaqların havalandırılması və təlimata uyğun dezinfeksiyası üçün tədbirlər həyata keçirilib. Bundan əlavə, bağçalar xüsusi dezinfeksiyaedici məhlullarla təmin olunub. pizza
Bağçaların istilik sistemi yoxlanılıb, elektrik və su xətlərində olan kiçik nasazlıqlar aradan qaldırılıb", - deyə mətbuat katibi qeyd edib.
Telegram kanalımız
