Burada reklam sizin uğurunuzdur.

tel/whatsapp: 070 855 41 11

Burada reklam sizin uğurunuzdur.

tel/whatsapp: 070 855 41 11

Ağdağ kimin nəzarətindədir? – “Ora Azərbaycanın nəzarətinə keçib”
20 Okt 2021 08:10
8304

Ağdağ kimin nəzarətindədir? – “Ora Azərbaycanın nəzarətinə keçib”

Ermənistan müdafiə nazirinin müavini, parlamentin müdafiə və təhlükəsizlik komissiyasının hakım partiyadan olan üzvləri Azərbaycan-Ermənistan sərhədindən, Sünik və Geğarkunikdən gələn şaiyələrə şərh verməkdən imtina edirlər.

AzadlıqRadiosunun Erməni xidməti - Azatutyun yazır ki, bu şayiələrə görə Azərbaycan silahlı qüvvələri Ermənistanın içərilərinə doğru bir qədər də irəliləyib və artıq may ayından nəzarətində olan sahələrdə isə mövqelərin möhkəmləndirilməsini həyata keçirir.

Ermənistan müdafiə nazirinin müavini Arman Sarkisyan oktyabrın 19-da deyib: “Qoşunların təchizatı, mövqelərin sayı, onlara qədər olan məsafə və başqa belə məsələlər dövlət sirri haqqında qanunla tənzimlənir. Əgər səhv etmirəmsə, 1998-ci ildən bəri bu barədə müvafiq hökumət qərarları var. Mənim fikrimcə hər hansı informasiyanı qadağan edirlərsə və ya vermirlərsə, müvafiq dövlət orqanları sorğulara cavab göndərərkən bu qanuna əsaslanırlar”.

Nazir müavini “adamların əsir düşməmələri üçün informasiya verilməməlidirmi” sualını belə cavablandırıb: “Milli Təhlükəsizlik Xidməti Pela dağı (Ağdağ-red) haqqında məlumat yayıb”.

Sayt yazır ki, Ermənistan MTX, Qafan meri və Sünikdən olan müxalifət deputatı Anna Qriqoryan azərbaycanlıların Sünikdəki Pela (Ağdağ) bölgəsində irəlilədikləri barədə iddia qaldırandan iki gün sonra məlumatla çıxış edib.

MTX bildirib ki, bu ərazidə heç bir mövqe dəyişikliyi baş verməyib və bu ərazidə Ermənistan Respublikasının sərhədçiləri keşik çəkirlər. Lakin deputat Anna Qriqoryan oktyabrın 19-da müdafiə və təhlükəsizlik komissiyasının iclasında bu məlumata etibar etmədiyini bildirib:

“Əgər hələ delimitasiya keçirilməyibsə, MTX öz məlumatında bunun dövlət sərhədi olduğunu niyə bildirir və azərbaycanlıların hazırda olduqları yeri, onların orada olmasını niyə qanuniləşdirir? Halbuki bu, dövlət sərhədi deyil”.

Qafan şəhərinin meri Gevork Parsyan opktyabrın 19-da Zəngəzur TV kanalına Pela (Ağdağ-red) barədə yeni təfərrüatlar açıqlayıb.

Onun sözlərinə görə dağ hələ dekabr ayında verilib və o vaxt ora Rusiya sərhədçiləri nəzarət edirdilər. Amma bugünlərdə Parsyana məlum olmayan səbəblərə görə ruslar yüksəklikdən eniblər və ora Azərbaycanın nəzarətinə keçib:

“Bu ərazi – bizim üçün çox mühüm yüksəklikdir. İndi rusların olmamasına görə ərazi azərbaycanlıların nəzarətinə keçib”.

Azatutyun yazır ki, ötənilki müharibədən əvvəl bu yüksəklikdə Ermənistanın hava hücumundan müdafiə sistemi yerləşdirilmişdi.

İndi mer Parsyan iddia edir ki, Azərbaycan həmin yüksəklikdən Qafan və Aqarak məntəqələrini 1990-cı illərdə olduğu kimi nişangahda saxlaya bilər:

“Bizim əvvəllər Aqarak, Yeğvard və Ucanis kəndlərinə getdiyimiz əsas yol indi tamamilə onların (azərbaycanlıların – red) nəzarətindədir. İndi biz alternativ yoldan istifadə edirik. Faktiki olaraq bizim kənd camaatımızın bu yolla bu əraziyə daxil olması qadağandır”.

Azatutyun bildirir ki, güc strukturları jurnalistlərin bu ərazidə olmasına və çəkiliş aparmasına icazə vermirlər. Belə bir qadağan sərhədyanı Geğarkunikdə də qüvvədədir. Burada yalnız güc strukturlarının icazəsi və müşayiəti ilə çəkiliş aparmaq olar.

Müxalifət deputatı Tiqran Abramyan yazılı qaydada Baş qərargaha müraciət etsə də, ona hazırda onun Geğarkunik vilayətinin sərhədyanı bölgələrinə səfərinin məqsədəuyğun olmadığı bildirilib.

Deputat bu barədə deyib: “Müdafiə Nazirliyi müdafiə və təhlükəsizlik komissiyası üzvlərinin ictimai rezonans doğura biləcək məsələlərlə bağlı istiqamətlərdə səfərlər etməsinə hər vəchlə mane olur”.

Azərbaycan silahlı qüvvələrinin Geğarkunikdə sığınacaq tikintisi, yolların betonlanması ilə məşğul olması və odun tədarükü görməsi barədə məlumatı özünün Facebook səhifəsində Ermənistanın ombudsmanı da paylaşıb. Məlumatda deyilir ki, ombudsman Arman Tatoyan Facebook-da məlum postu paylaşdıqdan iki gün sonra Müdafiə Nazirliyi onun yazdıqlarının “şişirtmə” olduğunu bildirib.

Nazirlik bildirib ki, “Azərbaycan tərəfinin bu cür fəaliyyətlərinin qarşısı Ermənistan silahlı qüvvələri tərəfindən alınır”.

Amma deputat Tiqran Abramyanın sözlərinə görə, onların səfərinə qadağan qoyulması və başqa bu kimi hadisələr azərbaycanlıların Ermənistan ərazisində möhkəmləndikləri barədə şübhələr yaradır: “Mənim təsəvvürümə görə Azərbaycan həmin əraziləri sərhədin artıq dəqiqləşdirilmiş hissəsi hesab edir və oraların möhkəmliyini və təhlükəsizliyini təmin etmək məqsədilə böyük işlər aparır”.

Azatutyun yazır ki, parlamentin müdafiə və təhlükəszilik komissiyasının iqtidardan olan üzvləri həmsərhəd regionlar baradə söhbətlərdən yayınırlar. Müxalifət deputatları isə bildirirlər ki, artıq bir neçə həftədir izahat almaq üçün güc nazirliklərinin rəhbərləri ilə görüşə bilmirlər.

 

Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər