YENISABAH.AZ-a icazə verərək ən aktual xəbərləri dərhal öyrənə bilərsiniz.
İlk bilən siz olun!
Daha sonra
İcazə ver
Azərbaycanda koronavirusla bağlı vəziyyət: “Təhlükə qalmaqdadır”

Azərbaycanda koronavirusla bağlı vəziyyət: “Təhlükə qalmaqdadır”

Sosial

19 Sentyabr 2022 16:52 581


Payızda yoluxma hallarının artacağı ilə bağlı fərziyyələr yenidən irəli sürülüb.

Bəzi mütəxəssislər bunu növbəti dalğa kimi qiymətləndirərək, bir sıra məhdudiyyətlərin tətbiq olunacağını istisna etməyiblər. 

Qeyd edək ki, son günlər ölkədə virusdan ölənlərin sayında ciddi artım müşahidə edilir və bu rəqəm gündəlik 5-8 nəfər arasında dəyişir.

Hazırda koronavirusla bağlı ölkədə bir təhlükə varmı?

Yoluxma və ölüm hallarının yenidən artması gözlənilirmi?

Suallarımızı cavablandıran həkim-infeksionist Mərdan Əliyev Yenisabah.az-a açıqlamasında deyib ki, hazırda ölkədə koronavirusla bağlı vəziyyət ötən illərə nisbətən yaxşılığa doğru dəyişməkdədir:

“Bildiyimiz kimi, yay aylarının sonlarından etibarən yoluxma sayında ciddi artım müşahidə edildi. Sonradan qeydə alınan artımlar kollektiv immuniteti gücləndirdi”.

“O ki qaldı yoluxmanın sayının azalmasına, mən deyə bilmərəm ki, dünyada pandemiya təhlükəsinə son qoyulub. Təhlükə hələ də qalmaqdadır. Lakin ötən illərə nisbətən yumşalmalar müşahidə olunur. Qarşıdan payız-qış fəsli gəlir. Ona görə də yoluxma hallarında yenidən ciddi artım olacağını düşünmürəm”, - müsahibimiz əlavə edib.

Həcər ƏMİRASLANLI 


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!