Azərbaycanda həbsdə olan erməni kəşfiyyatçı Arsen Baqdasaryan barədə ARB TV-nin “Rezonans” verilişində sujet yayımlanacaq.
"Yeni Sabah" xəbər verir ki, “Rezonans” verilişinin anonsunda erməni məhbusun Azərbaycan dilində danışması və Səməd Vurğunun şeirini deməsi diqqət çəkib.
10 noyabr tarixində saat 23:00-da “Rezonans”ın yeni buraxılışında Arsen Baqdasaryanın müsahibəsi təqdim ediləcək.
Xatırladaq ki, Ermənistanda xüsusi təlim keçən Arsen Baqdasaryan 2014-cü il dekabrın 26-da qoşunların təmas xəttini gizli olaraq keçərək Azərbaycan Silahlı Qüvvələrinin müdafiə mövqelərində 7 ədəd "fuqas" tipli piyada əleyhinə minalardan 3 ədədini Azərbaycan hərbi qulluqçularının daha çox gedib-gəldiyi səngər yollarında yerləşdirdikdən sonra geri qayıtmaq istəyərkən tutulub. O, 15 il həbsə məhkum edilib.
Telegram kanalımız
