İstanbulun erməni patriarxı Sahak Maşalyan bəyanat yayıb.
Yenisabah.az "Armenpress"ə istinadla xəbər verir ki, o, Ermənistanın baş naziri Nikol Paşinyanla Türkiyə prezidenti Rəcəb Tayyib Ərdoğan arasında telefon danışığının Türkiyə-Ermənistan münasibətlərində yeni dostluq səhifəsi açacağına ümid etdiyini bildirib.
Maşalyanın mesajında deyilir:
“Türkiyə prezidenti cənab Ərdoğan və Ermənistanın baş naziri cənab Paşinyan arasında telefon danışığı müharibə xəbərlərinin əhatəsində dünyamızda sülhə olan ümidləri canlandıran bayram hədiyyəsi oldu. Mən dua edirəm ki, silah, müharibə və ölüm deyil, dinc diplomatiya üsulları qalib gəlsin. Ümid edirəm ki, bu telefon danışığı min illik Türkiyə-Ermənistan münasibətlərində yeni dostluq səhifəsinin açılmasına kömək edəcək”.
Telegram kanalımız
