Dövlət Gömrük Komitəsi qaçaqmalçılıqla mübarizəni davam etdirir. Bununla bağlı vaxtaşırı internet resurslarında və sosial şəbəkələrdə məlumat verilir.
Yenisabah.az xəbər verir ki, bu gün Naxçıvan Baş Gömrük İdarəsinin Əməliyyat və İstintaq İdarəsinə Babək rayon Nehrəm qəsəbə sakininə məxsus yük nəqliyyat vasitəsində aksiz markası ilə markalanmayan külli miqdarda siqaretlərin satış məqsədilə saxlanılması və qanunsuz satışının həyata keçirilməsi barədə əməliyyat məlumatı daxil olub.
Keçirilən əməliyyat tədbirləri nəticəsində 35350 qutu (707000 ədəd) “GAULOISES Blondes” markalı siqaretlər aşkar edilib. Pepperoni pizza
Qeyd edək ki, sözügedən əməliyyatın görüntüləri sosial şəbəkələrdə maraqla qarşılanıb.
Gömrükçülər müsadirə etdikləri 35350 qutudan böyük bir "xalça" yaradıblar. Asfalt örtüyün üzərində minlərlə siqaret qutusunu yan-yana düzülərək "xalça"ya çevrilməsi tənqidlərə səbəb olub. Əksər sosial şəbəkə istifadəçisi DGK əməkdaşlarının bu fəaliyyətini bekarçılıq əlaməti kimi qiymətləndiriblər. Siqaret qutularından "xalça toxuyan" gömrükçülərin səbrinə heyran qalanlar da tapılıb.
Əsmətxanım Rzazadə
Telegram kanalımız
