Bakı Şəhər İcra Hakimiyyəti yeni yaradılmış ictimai çimərliklərdəki vəziyyətlə bağlı açıqlama verib.
İcra Hakimiyyətindən “Yeni Sabah”a daxil olan məlumata görə, son bir neçə gündə bəzi KİV-lərdə yeni yaradılmış ictimai çimərliklərdəki vəziyyətlə bağlı həqiqətə uyğun olmayan xəbərlər verilib.
Məlumatda qeyd olunub ki, tam rəsmi şəkildə bildiririk ki, Bakı şəhərində Səbail rayonu “Şıx” ərazisində, Xəzər rayonu Buzovna və Binəqədi rayonu Görədil qəsəbələrində IDEA İctimai Birliyinin təsisçisi və rəhbəri Leyla xanım Əliyevanın təşəbbüsü ilə yeni yaradılmış ictimai çimərliklər pulsuzdur. Çimərliklərdə sanitar vəziyyətin lazımi səviyyədə saxlanilması və təmizlik işlərinin aparılması üçün xidmət personalı fəaliyyət göstərir və bura nəzarətdə saxlanılır.
Sonda qeyd olunub ki, həmin KİV-də qeyd olunanlar isə şaiyələrdən başqa bir şey deyildir.
Telegram kanalımız
