Gorus-Qafan yolunun Vorotan hissəsində yerləşən Azərbaycan polis idarəsinin əməkdaşları İran yük maşınlarının sürücülərindən öz ərazilərindən keçmək üçün 130 dollar nağd pul ödəmələrini tələb edirlər.
Yenisabah.az xəbər verir ki, bu barədə Ermənistanın "CivilNet" saytı yazıb.
İranlı sürücülərlə söhbət edən saytın müxbiri Qorq Tosunyan qeyd edib:
“İranlı sürücülərin sözlərinə görə, Azərbaycan polisi onları dayandırıb və Azərbaycan ərazisinə daxil olduqlarını bildiriblər. Azərbaycanlılar hər sürücüdən 130 dollar tələb ediblər. Sürücülər "pul yoxdur" dedikdən sonra Azərbaycan polisi sürücülərin pasportunu və maşının sənədlərini götürüb. Onlara deyilib ki, pul geri dönəndə ödənilməlidir.
Azərbaycanlılar Karmrakar yaxınlığında, eləcə də Vorotan yaxınlığında "Azərbaycan Respublikası ərazisinə girirsən" sözləri yazılmış böyük üçdilli bir işarə qoyublar".
Xatırladaq ki, sentyabrın 12-də, saat 12:00-dan etibarən Eyvazlı qəsəbəsinin Azərbaycanın nəzarətində olan hissəsində, Gorus-Qafan dövlətlərarası yolun Vorotan qəsəbəsi yaxınlığında İran nömrəli yük maşınlarının sürücüləri və yük sənədləri Azərbaycan Respublikası polisi tərəfindən yoxlamılır.
Telegram kanalımız
