Bildiyiniz kimi, ötən ilin yanvarında Daxili İşlər Nazirliyi (DİN) tərəfindən vaxtilə polis orqanlarının binalarında qeydiyyata düşmüş vətəndaşların hamısı qeydiyyatdan çıxarılıb.
Bu isə çox sayda insana problem yaradıb. Nazirlik bu addımın sui-istifadə hallarının qarşısını almaq üçün atıldığını bildirib.
Lakin son günlər yenidən polisdə müvəqqəti qeydiyyata düşməklə bağlı məsələ gündəmə gəlib. Maraqlıdır, qeydiyyatı olmayanların polisdə təkrar qeydiyyatı başlayıbmı? Dominos pizza
DİN-in mətbuat xidmətindən "Cebhe.info"-nun sorğusuna cavab olaraq bildirilib ki, vətəndaşlar yaşayış yeri üzrə qeydiyyat məsələləri ilə bağlı "ASAN xidmət" mərkəzlərinə müraciət edə bilərlər:
"Qeydiyyat məsələləri ilə yanaşı, şəxsiyyət vəsiqəsinin etibarlılıq müddəti bitən, 18 yaşı tamam olan vətəndaşların yeni sənədlərlə bağlı müraciətləri qəbul edilir, müəyyən edilən müddət ərzində sorğular cavablandırılır. Daxili İşlər Nazirliyi tərəfindən vətəndaşların bütün müraciətləri diqqətdə saxlanılmaqla qanunamüvafiq tədbirlərin görülüməsi təmin edilir".
Telegram kanalımız
