“O bizdən deyil, ədalətsiz, vicdansız bir insandır“ - Rəşid Mahmudov
02 İyn 2020 19:30
1081

“O bizdən deyil, ədalətsiz, vicdansız bir insandır“ - Rəşid Mahmudov

Tanınmış ictimai xadim, tibb universitetinin dosenti Rəşid Mahmudov bayrağımızı təhqir etdiyi üçün Ramil Səfərov tərəfindən cəhənnəmə göndərilən Q.Markaryanla bağlı Avropa İnsan Haqları Məhkəməsinin son qərarına münasibət bildirib. 

Yenisabah.az xəbər verir ki, R.Mahmudov R.Səfərov ətrafında səsləndirilən bəzi fikirlərin onu da narahat etdiyini deyib:

“Ramil çox vətənpərvər oğlandı. Siz elə bilirsiniz ki, Avropada bizi istəyirlər? Onlar xaçpərəstlərdir və bunu birdəfəlik Azərbaycan bilməlidir. Mən hələ 2012-ci ildə Türkiyə və Azərbaycana dedim ki, sizi Avropa Birliyinə yaxın qoymazlar, ora xaçpərəstlərin birliyidir. Siz öz hökumətinizi qurun, yaxşı qanunlar qabul edin, dövlətinizi inkişaf etdirin. Biz müsəlmanıq və öz qanunlarımız olmalıdır. Əgər mənim məhkəməm olarsa və hakim ədalətsiz qərar çıxararsa, onu gülləylə vurub öldürərəm. Ramil yaxşı eləyib ermənini öldürüb. İlk dəfə olaraq Azərbaycan Ramil Səfərovun məsələsində ermənidən qabağa düşdü. Çünki ömrü boyu ilk dəfə ermənilər hadisə törədiblər və biz də onların arxasınca qaçmışıq. Ramil çox qeyrətli oğlandır və o, bir ermənini öldürməklə qisasımızı alıb, erməni bizim düşmənimizdir. Avropa ədalətsizdir, onların çıxardığı qərardan qorxumuz yoxdur, pulunu da hökumətimiz verər. Kim ki, R.Səfərova qarşı çıxırsa, o, bizdən deyil, ədalətsiz, vicdansız və dünyada gedən proseslərdən xəbərsiz bir insandır”.   /Moderator.az

Oxşar xəbərlər