Milli Məclis minatəmizləmə fəaliyyəti zamanı həlak olan minatəmizləyənlərin ailələrinə sosial dəstəyin artırılması ilə bağlı qanun dəyişikliyini son oxunuşda qəbul edib.
"Yeni Sabah" xəbər verir ki, dəyişikliyə əsasən, həlak olmuş minatəmizləyənlərin övladlarının təhsil haqqı dövlət büdcəsi hesabına ödəniləcək.
Vergi Məcəlləsinə uyğun olaraq, onların ailə üzvlərinin vergi tutulan aylıq gəlirindən 400 manat azad ediləcək. Bu güzəştlər 2026-cı il 15 sentyabrdan tətbiq ediləcək və əvvəlki dövrdə həlak olanların övladlarına da (23 yaşadək) şamil olunacaq.
Qanunun məqsədi bu ailələrin sosial rifahını yaxşılaşdırmaq və dövlət dəstəyini gücləndirməkdir.
Nazim Hacıyev
Telegram kanalımız
