"Plastik əməliyyatlar bizim cəmiyyətdə də adiləşib. Mən özüm də plastik əməliyyat etdirmişəm. Niyə də etdirməyim? Bu əməliyyatlar yaxşı görünmək üçün edilir. Bəlli məsələdir ki, yaşımız gedir. Ömür boyu cavan qalmayacağıq ki... Ona görə əməliyyat etdirmək lazımdır".
Yenisabah.az Bizim.media-ya istinadla xəbər verir ki, bunu müğənni Səidə Sultan deyib.
Plastik əməliyyatlardan söz açan sənətçi haqqında yayılan "sinə böyütmə" (mamoplastika) əməliyyatını etmədiyini dilə gətirib: Dominos pizza
"Çox insanlar elə zənn edirlər ki, sinə əməliyyatı keçirmişəm. Xeyr, özümündür. Yalnız burnumun (rinoplastika - red.) və gözlərimin formasını dəyişdirmişəm (bleforoplastika - red.). Başqa heç bir əməliyyat etdirməmişəm".
Səidə həmkarlarının ard-arda keçirdikləri omba əməliyyatlarına da münasibət bildirib:
"Mən əməliyyatlara pis baxmıram. Amma plastik əməliyyat edəndə də gərək əndazəni aşmayasan. Kənardan yekə omba heç də yaxşı görünmür. Baxan bilir ki, bu, bədəninin müəyyən yerini reklam üçün böyüdüb.
"Mən bədənimin heç bir nahiyyəsini dəyişmək istəmərəm. Çünki vücudum idealdır və çox xoşuma gəlir. Allaha min şükür, hər şey yerindədir".
Telegram kanalımız
