“S&P Global Ratings” “Kapital Bank”ın kredit reytinqini təsdiqləyib və bank üzrə proqnozu “müsbət” səviyyədə saxlayıb.
Agentlik Kapital Bankın uzun və qısamüddətli emitent kredit reytinqlərini “BB-/B” səviyyəsində təsdiqləyib və proqnozun “müsbət” olduğunu bildirib.
S&P qeyd edib ki, Azərbaycanın ən iri üç bankından biri olan Kapital Bank Birbank brendi altında maliyyə və qeyri-maliyyə xidmətlərini birləşdirən rəqəmsal ekosistemi genişləndirməklə pərakəndə bazarda mövqelərini daha da möhkəmləndirir. Agentliyin qiymətləndirməsinə görə, bu yanaşma xüsusilə əməkhaqqı layihələri və pensiya ödənişləri ilə bağlı qanunvericilikdəki son dəyişikliklər fonunda müştəri loyallığını artırır. pizza sifarişi
S&P əlavə edib ki, bankın kredit portfeli 2025-ci ildə gözləniləndən daha zəif artıb və ümumi kredit portfeli təxminən 4% genişlənib. Bu dinamika isə Kapital Bankın kapitallaşma səviyyəsinin yüksəlməsinə şərait yaradıb.
Agentlik bankın riskə uyğunlaşdırılmış kapital göstəricisinin (RAC) 2026–2027-ci illərdə təxminən 5,75–6,25% diapazonunda olacağını proqnozlaşdırır.
S&P-nin bildirdiyinə görə, növbəti 12–18 ay ərzində Kapital Bankın rəqəmsal təşəbbüsləri bankın maliyyə pərakəndə bazarında lider mövqeyini daha da gücləndirə və iqtisadi risklərin azalması fonunda reytinq üzrə əlavə müsbət potensial yarada bilər.
Telegram kanalımız
