Papua Yeni Qvineyanın xarici işlər naziri Castin Tkaçenko kral III Çarlzın tacqoyma mərasimi üçün rəsmi nümayəndə heyətinin xərcləri ilə bağlı mübahisədən sonra istefa verib.
Yenisabah.az BBC-yə istinadla xəbər verir ki, Tkaçenko "TikTok"da təyyarədə birinci sinifdə səyahət və Sinqapurda alış-veriş edərkən çəkilmiş şəklini yerləşdirən qızı Savanna ilə birlikdə Böyük Britaniyaya səfər edib.
Nazir onu tənqid edənləri "ibtidai heyvanlar" adlandırdı. pizza
Tkaçenkonun şərhləri paytaxt Port Moresbidə parlament qarşısında etirazlara səbəb olub.
Papua Yeni Qvineya Sakit Okeanda Birlik dövlətidir, dövlət başçısı Kral III Çarlzdır.
Tkaçenko açıqlamasında baş nazir Ceyms Marape ilə məsləhətləşdikdən sonra “kənara çəkildiyini” bildirib.
O əlavə edib ki, son hadisələrin ABŞ prezidenti Co Bayden və Hindistanın baş naziri Narendra Modinin qarşıdan gələn rəsmi səfərlərinə mane olmamasını arzulayır: “Mən də istəyirəm ki, bu məsələ ilə bağlı həqiqət üzə çıxsın, dezinformasiya və yalanlar aradan qaldırılsın”.
Telegram kanalımız
