Emin Ağalarov Rusiyanın "Forbes" jurnalına müsahibəsində restoran biznesindən danışıb.
Yenisabah.az axşam-a istinadla xəbər verir ki, Xalq artisti biznesindəki uğurunu adı və siması ilə əlaqələndirir:
"Brendlərimin siması mənəm. Yəni Ağalarovun restoranları. Yeni restoran açdığımı video ilə elan edib insanları ora dəvət etsəm, bu, onlar üçün keyfiyyət edəcək. Zəhərlənməyəcəklərinə, xidmətin yaxşı olacağına və çox güman ki, dadlı olacağına inanacaqlar. Hər kəsin subyektiv fikri var, kiminsə xoşuna gəlməyə bilər. Amma bilirəm ki, izləyicilərimin çoxu gedib bunu sınayacaqlar, çünki onlar məni artıq tanıyırlar. Əslində, bunu hər yerdə soyadını başlığa yazan Donald Trampdan öyrənmişəm. Markanın arxasında maşın və ya sistem deyil, bir insan varsa, xüsusən də söhbət restoran biznesindən gedirsə, onu tanıtmaq daha asandır. pizza mizza
Bəzən mənə yazırlar: "Gəldim və yeməyimi 40 dəqiqədən çox gözlədim". Ekran görüntüsünü çəkirəm və rəhbərliyə göndərirəm. Yazıram ki, belə hal təkrarlansa, hamı işdən çıxarılacaq. Həmin adama cavab verirəm ki, növbəti dəfə heç nə düzəlməsə, bu haqda mənə xəbər versin. Və ona təşəkkür edir, pulsuz xidmət təklif edirəm. Həmçinin rəhbərlik həmişə bu şəxslə əlaqə saxlayır".
E.Ağalarovun sözlərinə görə, dünyanın ən yaxşı restoranlarında belə narazılıqlar olur:
"Bundan kənarda qalmaq mümkün deyil. Çünki burada əsas insan faktorudur. Bunu sakit qəbul edirəm, idarəçilərimi danlamıram, çünki bir gündə 1000 və ya 1500 nəfər restorana gələ bilər. Hamı qane olmaya bilər. Özüm restoranda qarderobda və ofisiant köməkçisi işləmişəm. Narazılıq bəzən obyektiv, bəzən də subyektiv olur. Səbəbi düzəltmək, nəticə çıxarmaq və təkmilləşdirmək lazımdır".
İfaçı işçilərə səhvlərinə görə verdiyi şanslardan da danışıb:
"İnsan bir dəfə səhv edibsə, onu işdən çıxarmaram. 22 ilə yaxındır işləyirəm, şəxsi biznesimdə ümumilikdə 5000-ə yaxın insan işləyir və bütün bu müddət ərzində bəlkə də on işçini işdən çıxarmışam".
Telegram kanalımız
