"Qorxulu budur ki, İslam Respublikası Ukrayna müharibəsi məsələsində öz oriyentasiyaları ilə böyük səhvə yol versin. Bu, dünyada İslam quruluşunun şərəfinə və İran xalqının ləyaqətinə xələl gələcək və gələcək nəsillər bizi mühakimə edəcək".
Yenisabah.az "Aftab News"a istinadla xəbər verir ki, bu, bir qrup iranlı keçmiş səfirin açıq məktubunda qeyd olunub.
Diplomatlar hazırkı şəraitdə ölkənin daxili və xarici siyasətini tənqid edən qeydlərin altında imza atıblar. Onların fikrincə, İqtisadi problemlər, inflyasiya, işsizlik, qiymət partlayışı və milli valyutanın devalvasiyası, sosial təzyiqlər və yanlış idarəçilik və səmərəsizliklə yanaşı, milli maraqlara zidd yanaşmalardan qaynaqlanır. Marqarita pizza
"Bu yanaşmaların davamlılığı ictimai rəydə, xüsusən də gənclər arasında inamsızlığı artırır. "Qarşısında aydın gələcək görməyən bir nəsil səlahiyyətlilərə inamı və sistemin legitimliyini şübhə altına alır. Nəticə istər-istəməz daxildə qeyri-sabitlik yaradır, xarici siyasəti zəiflədir, əcnəbi istismara imkan yaradır", - deyə açıq məktubda qeyd olunur.
Müəlliflər vurğulayır ki, Ukraynadakı müharibədə Rusiya cəbhəsini gücləndirmək üçün İranın pilotsuz təyyarələr və raket silahları göndərməsi ilə bağlı Ukrayna hakimiyyətinin son iddiası saysız-hesabsız reaksiyalarla qarşılanıb:
"Qorxulu budur ki, İslam Respublikası Ukrayna müharibəsi məsələsində öz oriyentasiyaları ilə böyük səhvə yol versin. Bu, dünyada İslam quruluşunun şərəfinə və İran xalqının ləyaqətinə xələl gələcək və gələcək nəsillər bizi mühakimə edəcək.
Dünyanın ən böyük hərbi ittifaqı olan NATO-nun qarşı tərəfində bilavasitə arzuolunmaz müharibəyə girməsi ölkənin indiki durumunda son dərəcə narahatedici hadisədir".
Telegram kanalımız
