30 Sentyabr - 01:25
ABŞ Ukraynaya 300 km məsafəni vuran raketlər verdi

ABŞ Ukraynaya 300 km məsafəni vuran raketlər verdi

Dünya

02 Avqust 2022 16:56 630


ABŞ Ukraynaya 550 milyon dollar dəyərində yeni silah yardımı paketini açılayıb. 

"AzPolitika.info" Qərb mediasına istinadən xəbər verir ki, bu, 24 fevraldan bu günə kimi 17-ci yardım paketidir.

Bu dəfə paketdə Ukraynanın 155 mm-lik artilleriya qurğuları üçün 75 000 mərmi və HİMARS üçün raketlər nəzərdə tutulub. Sürsatların zərbə məsafələri və sayı açıqlanmayıb.

Konqresvumen Elissa Slotkin bir neçə gün əvvəl bəyan edib ki, Konqresdə ABŞ-ın Ukraynaya HİMARS-lar üçün 300 km. məsafəyə zərbə vura bilən ATACMS raketlərin verilməsi məsələsində iki partiyalı konsensusun mövcud olub. Yəni həm Demokratlar, həm də Respublkikaçılar bu qərarı dəstəkləyir və Pentaqondan prosesi sürətləndirməyə tələb edirlər. 

Bəzi ekspertlər bildirirlər ki, təqdim olunacaq 550 milyon dollarlıq paketdə HİMARS-lar üçün uzaqmənzilli raketlər nəzərdə tutulub. İddia olunur ki, əslində uzaqmənzilli raketlər hələ 15-ci paketdə verilib, Pentaqon bunu açıq deməsə də, həmin paketə dair bəyanatda fərqli raketlərin verilməsinə işarə edib.

ABŞ iki gün əvvəl Ukraynaya əlavə 4 HİMARS çatdırıb və nəticə etibarı ilə hazırda Rusiya işğalçılarına qarşı döyüşən 20 HİMARS, 3 M270 MLRS, Almaniya istehsalı olan 3 MARS II var. Qeyd olunur ki, iyulun 8-də cəmi 8 ədəd olan YAR sistemlərinin sayı hazırda 26-ya çatdırılıb ki, bu da Ukrayna ordusunun uğurlu əks-hücuma start verməsinə imkan verir.

Bundan başqa qısa zaman ərzində Böyük Britaniyanın Ukraynaya bir neçə hərbi gəmi göndərəcəyi də qərarlaşdırılıb. Habelə İranın Rusiyaya dronlarını göndərəcəyi qalmaqalı fonunda Litva Ukraynaya 110 EDM4S Sky Wipers dron əleyhinə tüfəng göndərəcəyini açıqlayıb.

"AzPolitika.info"


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!