Aqrar sektora karantin zərbəsi: “Zərərin həcmini müəyyənləşdirmək hələlik çətindir”
01 Avq 2020 08:23
411

Aqrar sektora karantin zərbəsi: “Zərərin həcmini müəyyənləşdirmək hələlik çətindir”

“Karantin məhdudiyyətləri bitəndən sonra aqrar sahədəki mövcud problemlər daha qabarıq görünəcək”.

“Yeni Sabah” bildirir ki, bu fikirləri Yenicag.az-a açıqlamasında pandemiya dövrünün kənd təsərrüfatı sahəsinə neqativ təsirlərinə toxunan iqtisadçı Pərviz Heydərov deyib.

İqtisadçı hesab edir ki, mövcud şəraitdə karantin məhdudiyyətləri daha çox xırda istehsal, tədarük və istehlak bazarında ciddi nöqsanları üzə çıxarıb:

“Pandemiya dövrünün neqativ təsirləri iqtisadiyyatın bir çox sahələrində vəziyyəti xeyli kəskinləşdirib. Belə ki, hökumətin tətbiq etdiyi karantin rejimi ilə əlaqədar bir sıra iqtisadi fəaliyyət sahələri öz işini məcburi dayandırmalı olub.

Nəticədə iqtisadiyyatın bütün sektorlarında ciddi problemlər yaşanıb. Pandemiya dövrünün aqrar sahəyə vurduğu mənfi təsirlərin miqyasını hələlik müəyyənləşdirmək çətindir. Karantin məhdudiyyətləri tamamilə aradan qaldırılandan sonra kənd təsərrüfatı sahəsində mövcud problemlər daha qabarıq şəkildə görünəcək”.

Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər