Avstraliya hakimiyyəti insan haqlarının pozulmasını əsas gətirərək Myanma və İranda bəzi şəxslərə və təşkilatlara qarşı sanksiyalar tətbiq etmək qərarına gəlib.
Yenisabah.az xəbər verir ki, sanksiyalar çevrilişdə birbaşa məsuliyyət daşıyan hərbi rejimin rəhbər orqanı olan Myanma Dövlət İnzibati Şurasının (SAC) 16 üzvü və hərbi nəzarət altında olan “Myanmar Economic Holdings Public Company Limited”ə (MEHL) aid edilib.
Myanmadakı hərbi idarənin fəaliyyətlərinin təqib ediləcəyi bildirilən açıqlamada Avstraliyanın Myanma böhranının həllində Cənub-Şərqi Asiya Ölkələri Assosiasiyasının (ASEAN) rəhbərliyinə tam dəstək verdiyi bildirilib. pizza hut
Digər tərəfdən, açıqlamada İran İnqilab Keşikçiləri Ordusunun (SEPAH) üzvləri də daxil olmaqla bəzi hərbçi və siyasətçilərin sanksiya siyahısına salındığı qeyd edilib.
Bundan əlavə, açıqlamada Rusiyaya pilotsuz uçuş aparatları tədarük edən 4 iranlı və 4 təşkilata maliyyə sanksiyasının tətbiq edildiyi, ukraynalı mülki şəxslərin atəşə tutulması üçün İran istehsalı olan pilotsuz uçuş aparatlarından istifadə edildiyi iddia edilib.
Telegram kanalımız
