7 Oktyabr - 00:26
Azərbaycanda 22 il əvvəl baş vermiş qətlin üstü açıldı - Foto

Azərbaycanda 22 il əvvəl baş vermiş qətlin üstü açıldı - Foto

Kriminal

16 Avqust 2022 09:48 652


Gəncə Şəhər Baş Polis İdarəsinin Cinayət Axtarışı İdarəsinin əməkdaşlarının keçirdikləri əməliyyat-axtarış tədbirləri nəticəsində əvvəlki illərdən bağlı qalmış cinayətin üstü peşəkarlıqla açılıb.

Yenisabah.az xəbər verir ki, bu barədə Daxili İşlər Nazirliyinin Mətbuat Xidmətinin Gəncə regional qrupunun baş inspektoru, polis baş leytenantı Eşqin Qasımov deyib.

O bildirib ki, keçirilən əməliyyat-axtarış tədbirləri nəticəsində 2000-ci fevral ayında Gəncə şəhər sakini Solmaz Yolçuyevaya məxsus evə quldurluq məqsədi ilə daxil olaraq xüsusi amansızlıqla və ümumi təhlükəli üsulla ev sahibini öldürməkdə şübhəli bilinən əvvəllər məhkum olunmuş Elsevər Məmmədov saxlanılıb.

Onun ətrafında keçirilən əməliyyat tədbirləri nəticəsində məlum olub ki, saxlanılan şəxs hadisəni vəfat etmiş Xəyal Səfərov və Arzu Hacıyevlə birlikdə törədib.

Dindirilmə zamanı E.Məmmədov qətlə yetirilən şəxsin evində 30 000 ABŞ dolları olması barədə məlumat əldə etdiklərini cinayəti törətdikdən sonra isə evdən cəmi 220 ABŞ dolları və bir qızıl üzük aparmalarını etiraf edib.


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!