Bakıda ötən gün 19 yaşlı gənc oğlan və 14 yaşlı qız hamam otağında dəm qazından zəhərlənib. Hadisə nəticəsində Yusuf Atalay həyatını itirib, 14 yaşlı qız isə zəhərlənmə diaqnozu ilə xəstəxanaya yerləşdirilib. Ona ilkin tibbi xidmətlər göstərilsə də, ixtisaslı tibbi xidmətdən imtina edib.
“Yeni Sabah” xəbər verir ki, mərhumun anası oğlunun evə həmin qız tərəfindən aparıldığını iddia edib.
Ana bu barədə “TikTok”da canlı yayımda danışıb:
“Balama oyun oynadılar. O qız edib. Əvvəlcə evdə oğlumu içirdib, sonra da dostlarını göndərib ki, tək qalsınlar. Ürəyim partlayır. Mənim balam heç kimə pislik etməyib. Bilmədən danışırlar. Oğluma oyun qurdular… Qıza heç nə olmayıb, qız bu gün abırsız-abırsız mənim evimə gəldi, paltar dəyişdi, gizli-gizli ətir vurdu. Siz bilmirsiniz, bilmədiyiniz şeyləri danışmayın! Mənim balamın günahını almayın, mənim balam elə bala deyil”.
Yusuf Atalayın anasının açıqlamasını təqdim edirik:
Telegram kanalımız
