Britaniya kralı III Çarlzın qardaşı şahzadə Endryu "şahzadə" titulundan məhrum ediləcək və Vindzor qəsri ərazisindəki kral apartamentlərini tərk etməyə məcbur olacaq.
"Yeni Sabah" xəbər verir ki, bu barədə Bukingem sarayı tərəfindən yayılan məlumatda deyilir.
Məlumata görə, kral III Çarlz şahzadə Endryunun rəsmi müraciət, titul və ehtiram göstərilməsi hüququndan məhrum edilməsi barədə rəsmi prosedura başlayıb. Marqarita pizza
Həmçinin şahzadə Endryuya "Royal Lodge" iqamətgahının icarəsinin dayandırılması barədə rəsmi bildiriş təqdim edilib.
"Sky News" telekanalının məlumatına görə, bundan sonra monarxın qardaşı Endryu Mauntbetten Vindzor kimi tanınacaq.
BBC yayım korporasiyası isə onun Norfolk qraflığındakı Sandrinqem kral malikanəsinə köçəcəyini və yaşayış xərclərini kralın öz vəsaitindən qarşılayacağını bildirir./Oxu.az
Telegram kanalımız
