Livanlı həkimlər son iki gündə ölkədə 80 yeni vəba infeksiyası qeydə alıblar. Xəstələrin ümumi sayı 169 nəfərə çatıb.
Yenisabah.az xəbər verir ki, bu barədə oktyabrın 19-da keçirilən mətbuat konfransında çıxış edən Livanın səhiyyə naziri Firas əl-Abyad bildirib.
“Son 48 saat ərzində 80 yeni vəba infeksiyası qeydə alınıb, yoluxanların ümumi sayı 169 nəfərə çatıb”, - nazir bildirib. pizza mizza
Livanda vəba epidemiyası başlayandan bəri yoluxmuşlardan beşi dünyasını dəyişib. Onun sözlərinə görə, xəstəliyin yayılma sürəti yüksəkdir və yeni xəstəliyə yoluxma hallarının təxminən 70 faizi Livanda yaşayan suriyalı qaçqınların payına düşür. Nazir ölümlərin əsas səbəbi kimi həkimlərə müraciətin gecikməsini göstərib.
“Səhiyyə Nazirliyinin məlumatlarına görə, infeksiyanın əsas mərkəzi ölkənin şimalındakı Akari əyaləti olaraq qalır, burada demək olar ki, 30 ildə ilk vəba hadisəsi oktyabrın əvvəlində qeydə alınıb. Bir sıra rayonlarda su mənbələrinin çirklənməsi vəba xəstəliyinin yayılmasına səbəb olan əsas amildir”, - deyə idarə rəisi bildirib.
Həmçinin, infeksiya kənd təsərrüfatı məhsullarının çirklənməsi və xəstə ilə təmas yolu ilə ötürülür. Oktyabrın əvvəlində Livanın Səhiyyə Nazirliyi demək olar ki, 30 ildə ilk dəfə vəbaya yoluxma halı barədə məlumat vermişdi. Ötən həftə isə həkimlər bir xəstənin ilk ölümünü açıqlayıblar.
Qonşu Suriyada bir aydan çoxdur ki, vəba tüğyan edir. Suriya Ərəb Respublikasının Səhiyyə Nazirliyinin rəsmi məlumatına görə, 800-dən çox yoluxma qeydə alınıb, 40-dan çox insan ölüb.
Telegram kanalımız
