Hərbi müxbir Vladlen Tatarskinin (Maksim Fomin) həlak olması ilə nəticələnən Sankt-Peterburqda baş verən partlayış barədə Vladimir Putinə dərhal məlumat verilib.
Yenisabah.az xəbər verir ki, bu barədə dövlət başçısının mətbuat katibi Dmitri Peskov danışıb.
O, hadisəni terror aktı adlandırıb: "Bu, terror aktıdır. Milli Antiterror Komitəsinin (MAK) bəyanatını gördük. İstintaqın aktiv mərhələsi davam edir. Şübhəlilərin saxlanılması üçün kifayət qədər ciddi addımlar görürük. Bu işdə səbirli olaq və xüsusi xidmət orqanlarımızın növbəti açıqlamalarını gözləyək". Sezar pizza
Peskovun sözlərinə görə, “MAK-ın bəyanatına əsasən, bu terror aktının planlaşdırılmasında Ukrayna xüsusi xidmət orqanlarının əli ola biləcəyinə dair sübutlar var və təbii ki, bu, terror aktıdır.
Əlbəttə, bu terror aktı nəticəsində zərər çəkənlərin tezliklə sağalmasını arzulayırıq və təbii ki, bu terror aktı nəticəsində həlak olan Fominin ailələrinə və yaxınlarına başsağlığı veririk”.
Xatırladaq ki, V. Tatarski aprelin 2-də Universitetskaya sahili küçəsindəki kafedə baş verən partlayışda ölüb, daha 32 nəfər yaralanıb. Partlayış hərbi müxbirin iştirakı ilə keçirilən tədbirdə baş verib. Kafedə Tatarskiyə heykəlcik təqdim edən Daria Trepova partlayışda əli olmaqda şübhəli bilinərək saxlanılıb. Müstəntiqlərin fikrincə, heykəlcik partlayıb.
Aprelin 3-də MAK partlayışın Ukrayna xüsusi xidmət orqanları tərəfindən Rusiyada ekstremizmdə qadağan olunmuş Korrupsiyaya Qarşı Mübarizə Fondunun üzvlərinin cəlb edilməsi ilə planlaşdırıldığını açıqlayıb.
Telegram kanalımız
