Dünyaca məşhur britaniyalı bəstəkar, müğənni Elton Con Böyük Britaniya kraliçası II Elizabetin vəfatı xəbərinə münasibət bildirib.
Yenisabah.az xəbər verir ki, musiqiçi Torontoda konserti zamanı kraliçaya ehtiramını bildirib.
“Əlahəzrət Kraliça Elizabetin vəfat etməsi ilə bağlı kədərli xəbər aldıq. O, ətrafdakılara, o cümlədən mənə ilham oldu. O, fantastik insan idi. O, ölkəni ən böyük hadisələrdən və ən qaranlıq vaxtlardan keçirdi və hər şeyə lütf, zadəganlıq, həqiqi sevgi və hərarətlə rəhbərlik etdi”, - Elton Conun sözlərini "Variety" nəşri sitat gətirib. Marqarita pizza
“Mənim 75 yaşım var, o, bütün həyatım boyu mənimlə olub və bir daha yanımda olmayacağına çox üzülürəm. Amma şadam ki, o, rahatlıq tapdı, çox çalışdığı üçün buna layiq idi”, - deyə məşhur musiqiçi ictimaiyyətin alqışları altında bildirib.
Con daha sonra sosial mediada Kraliça Elizabetin "uşaqlıqdan indiyə kimi həyatının böyük bir hissəsi olduğunu" yazıb.
Məşhur musiqiçi sözlərini "Onun üçün çox darıxacağam" sözləri ilə tamamlayıb.
Telegram kanalımız
