Ermənistan Milli Məclisinin müxalif “Hayastan” fraksiyasının deputatı Artur Xaçatryan deyib ki, müxalifət həm parlamentdə, həm də parlamentdən kənarda işləyir və yeni küçə aksiyaları mütləq baş verəcək.
Yenisabah.az “Armenpress”ə istinadla xəbər verib ki, bunu Xaçatryan Milli Məclisdə jurnalistlərlə keçirdiyi brifinqdə deyib.
““Artsaxı və Ermənistanı xilas etmək vəzifəsi bütün Ermənistan vətəndaşlarının məsuliyyətidir. Sizi inandırıram ki, vətəndaşlar bütün rıçaqlarından istifadə etsəydilər və ya narazı olan insanlar bizim nəsihətimizə qulaq assaydı, daha da pis vəziyyətə düşəcəyimizə inanıb bizə qoşulsaydı, vəziyyət daha yaxşı olardı”, - Xaçatryan bildirib.
Bununla belə, deputatın sözlərinə görə, vəziyyət ümidsiz deyil, hələlik hər şeyi xilas etmək mümkündür. Ona görə də o, narazı vətəndaşları müxalif siyasi qüvvələri dəstəkləməyə çağırır, onları əmin edir ki, həm parlamentdə, həm də parlamentdən kənarda işləyirlər.
“Vətəndaşlar arasında könülsüzlük, laqeydlik var, ona görə də yəqin ki, evdə oturub hakimiyyətdən şikayətçi olanlar bizə dəstəklərini ifadə etməkdə fəallıq göstərmirlər”, - deyə deputat bildirib.
Mümkün küçə hərəkəti ilə əlaqədar suala da toxunan deputat deyib ki, yeni küçə aksiyaları olacaq.
Bu aksiyaların nə vaxt baş verəcəyinə gəlincə isə müxalifətçi geniş açıqlama verməyib.
Telegram kanalımız
