FIFA DÇ-2026-nın mükafat fondunu və iştirak haqqını artıracaq.
"Yeni Sabah" xəbər verir ki, genişləndirilmiş maliyyələşdirmənin təfərrüatları bu həftə Kanadanın Vankuver şəhərində keçiriləcək FIFA Şurasının iclasında təsdiqlənəcək .
Bu, bir sıra milli assosiasiyalar tərəfindən bildirilən narahatlıqlara cavabdır. Narahatlıqlar, xüsusən də bəzi oyunların keçiriləcəyi ABŞ-də uçuşlar, əməliyyatlar və vergilər üçün yüksək xərclərlə bağlıdır.
2025-ci ilin dekabr ayında FIFA DÇ-2026 üçün rekord məbləğdə 727 milyon dollar mükafat fondu elan etmişdi. İlkin plana əsasən, iştirakçı 48 komandanın hər biri minimum 10,5 milyon dollar, qalib komanda isə 50 milyon dollar qazanacaqdı. Lakin son həftələrdə bir neçə milli futbol assosiasiyası ilə məsləhətləşmələrdən sonra bu fond daha da artırılacaq.
Futbolun inkişafı üçün FIFA-nın bütün 211 üzvünə ayrılan vəsaitin məbləği də yüksələcək. Bu məbləğ növbəti 4 illik dövr ərzində əvvəllər planlaşdırılan 2,7 milyard dolları keçəcək.
Telegram kanalımız
