Paris polisi pensiya islahatlarına qarşı nümayiş zamanı iğtişaşlarda iştirak edən 217 nəfəri həbs edib.
Yenisabah.az “France-Presse”ə istinadla xəbər verir ki, bu barədə Fransa DİN məlumat verib.
Nazirlikdən verilən məlumata görə, iğtişaşcılar dağıntı və yanğın törətməkdə ittiham olunur. pizza hut
Mətbuat ötən gün Fransa paytaxtının mərkəzinə 6 min insanın toplaşdığını yazır. Qüvvələr etirazçıları dağıtmaq üçün qaz və su şırnaqlarından istifadə edib.
Yerli KİV əlavə edib ki, təhlükəsizlik qüvvələri etirazçıları gözyaşardıcı qazla dağıdıb.
Bildirilir ki, martın 23-də fransızlar yeni etiraz aksiyası hazırlayırlar.
Xatırladaq ki, yanvarın 10-da Fransanın Baş naziri Elizabet Born hökumətin 2023-cü ildə qəbul etməyi planlaşdırdığı pensiya islahatlarının mübahisəli layihəsini təqdim edib.
Onun sözlərinə görə, 2023-cü il sentyabrın 1-dən hakimiyyət pensiya yaşını ildə üç ay artırmağa başlayacaq. Beləliklə, 2030-cu ilə qədər pensiya yaşı 64-ə çatacaq.
Telegram kanalımız
