Hava Nəqliyyatında Baş Gömrük İdarəsinin əməkdaşları tərəfindən həyata keçirilən kompleks əməliyyat və gömrük nəzarəti tədbirləri nəticəsində dərman vasitələrinin ölkə ərazisinə qanunsuz yolla gətirilməsi cəhdinin qarşısı alınıb.
“Yeni Sabah” xəbər verir ki, İstanbul-Bakı aviareysi ilə ölkəyə gələn Azərbaycan Respublikası vətəndaşı “Yaşıl kanal” buraxılış sistemi vasitəsilə gömrük zonasını tərk etmək istəyərkən “Qırmızı kanal”a yönləndirilib. Onun əl yükünə və baqajına stasionar rentgen qurğusu vasitəsilə baxış keçirilib.
Baxış zamanı şübhəli təsvirlər müşahidə olunduğundan əl yükü və baqajda ətraflı gömrük yoxlaması həyata keçirilib. Yoxlama nəticəsində gömrük orqanına bəyan edilməyən, külli miqdarda — 36 adda 16 036 ədəd dərman vasitəsi aşkarlanaraq götürülüb. Pepperoni pizza
Faktla bağlı gömrük orqanları tərəfindən araşdırma aparılır.
Cəlalə Cəlalqızı
Telegram kanalımız
