“Ölmüşdüm, həkimlər məni o dünyadan qaytardılar. Yenidən doğuldum”.
Yenisabah.az xəbər verir ki, bu sözləri xalq yazıçısı Çingiz Abdullayev xəstəxanadan buraxıldıqdan sonra ilk paylaşımında yazıb.
“Ölmüşdüm. Bu mənim hekayəmin xülasəsi deyil, gerçək baş verənlərdir. Aprelin 6-na keçən gecə və doğum günü olan 7 aprel günü boyu baş verənlər…Mən yenidən doğuldum. Ölümü necə təsdiqləmək olur? Bütün daxili orqanlar eyni vaxtda fəaliyyətini dayandırdıqda tənəffüs dayanır və ürək dayanır. Bir neçə dəqiqəlik koma və ya klinik ölüm insanı “tərəvəz”ə çevirir. Həkimlər məni o biri dünyadan qaytardılar. Allah mənə rəhm elədi. Geri qaytardı. Marqarita pizza
Bu bir neçə gündə yaxınlarıma və ailəmə yaşadığım ağrıları təsəvvür etmək dəhşətlidir.
Hər kəsə təşəkkür etmək istəyirəm!
Prezidentimə, bütün dostlarıma, tanışlarıma, oxucularıma və ümumiyyətlə mənə görə narahat olan bütün insanlara. Onların hamısına təşəkkür edirəm! Mən sizin etimadınızı doğrultmağa çalışacağam. Mən artıq “orada” olmağa macal tapdım. İndi heç qorxmuram. Bir dəfə ölən adam ikinci dəfə ölməkdən qorxmaz. Ancaq tələsməyin. Yəqin ki, hər birimizin öz əcəl vaxtı var. Bu gün xəstəxanadan çıxdım. Fotoda məni “oradan” qaytaran insanlardır. Hər şey üçün onlara təşəkkür edirəm!”.
Xatırladaq ki, ötən həftə Ç.Abdullayev səhhətinin kəskin pisləşməsi ilə bağlı reanimasiyaya yerləşdirilmişdi.
Telegram kanalımız
