İcra başçısı şəhidin ad günündə ailəsini ziyarət etdi  - Fotolar
23 Yan 2021 13:53
536

İcra başçısı şəhidin ad günündə ailəsini ziyarət etdi - Fotolar

Suraxanı Rayon İcra Hakimiyyətinin başçısı Əziz Əzizov, müavini və Aparatın əməkdaşları növbəti dəfə Vətən uğrunda canından keçmiş şəhid Orucov Səbuhi Vahid oğlunun əziz xatirəsini doğum günündə yad edərək, ailə üzvlərinə baş çəkiblər.

Yenisabah.az xəbər verir ki, möhtərəm Prezidentimiz cənab İlham Əliyevin və Birinci Vitse prezident Mehriban xanım Əliyevanın şəhidlərin adının uca tutmasından, onların ailələrinin sosial məsələlərinin həll edilməsinə xüsusi qayğı ilə yanaşmasından söhbət açan Əziz Əzizov şəhid Səbuhi Orucovun ailə üzvlərinin qayğıları ilə maraqlanaraq, problemlərinin həlli üçün zəruri tədbirlərin aidiyyəti qurumlar tərəfindən əlaqəli şəkildə həyata keçirildiyini bildirib.

RİH başçısı şəhid Səbuhi Orucovun timsalında Vətən müharibəsində düşmənə boyun əyməyən, adlarını xalqımızın qəhrəmanlıq salnaməsinə qızıl hərflərlə yazan qorxubilməz şəhidlərimizə rəhmət, onların doğmalarına Allahdan səbr diləyib.

Qeyd edək ki, şəhid Səbuhi Orucov ölümündən sonra Azərbaycan Respublikası Prezidentinin müvafiq Sərəncamları ilə 3-cü dərəcəli “Vətənə xidmətə görə” ordeni ilə, Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak etmiş və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyinə görə “Vətən uğrunda” medalı, Azərbaycan Respublikasının Cəbrayıl, Laçın, Qubadlı rayonlarının işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirdiyinə görə “Cəbrayılın azad olunmasına görə” medalı ilə, “Laçının azad olunmasına görə” medalı ilə, “Qubadlının azad olunmasına görə” medalı təltif edilib.

İcra başçısı şəhidin ad günündə ailəsini ziyarət etdi  - Fotolar
İcra başçısı şəhidin ad günündə ailəsini ziyarət etdi  - Fotolar
İcra başçısı şəhidin ad günündə ailəsini ziyarət etdi  - Fotolar
İcra başçısı şəhidin ad günündə ailəsini ziyarət etdi  - Fotolar
Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər