Yeni Azərbaycan Partiyasının (YAP) Binəqədi rayon təşkilatının sədri vəzifəsinə Vüsar İsmayılovun namizədliyi irəli sürüləcək.
Yenisabah.az xəbər verir ki, YAP İdarə Heyətinin bu gün keçiriləcək iclasında V. İsmayılovun partiyanın Binəqədi rayon təşkilatının sədri vəzifəsinə təyinatı məsələsinə baxılacaq.
Qeyd edək ki, bundan əvvəl YAP Binəqədi rayon təşkilatının sədri Ramiz Göyüşov idi. pizza
YAP-dan bildirilib ki, Ramiz Göyüşovun YAP Binəqədi rayon təşkilatının sədri kimi səlahiyyətlərinə cari ilin 30 iyun tarixində keçirilmiş hesabat konfransında xitam verilib.
Əlavə edək ki, YAP İdarə Heyətinin bugünkü iclasında sosial şəbəkələrdə qeyri-əxlaqi videoları yayılan R. Göyüşovun partiyadan xaric edilməsi məsələsinə də baxılacaq.
Xatırladaq ki, Vüsar İsmayılov Binəqədi Rayon İcra Hakimiyyəti başçısının müavinidir. (apa)
Telegram kanalımız
