İran Rusiyada keçirilən “Armiya-2023” Beynəlxalq Hərbi-Texniki Forumunda müxtəlif növ pilotsuz uçuş aparatları, eləcə də elektron döyüş və radiokəşfiyyat vasitələrini təqdim edib.
Yenisabah.az TASS-a istinadla xəbər verir ki, xüsusilə, İran “Arash”, “Ababil-5”, “Karrar” PUA-larını, eləcə də 200 km-ə qədər məsafədə təyyarə tipli dronları aşkar edən “Hunter-2” elektron döyüş sistemini nümayiş etdirib.
Stansiyada İranın istehsal etdiyi ilk elektron dron olan "Shahin" də təqdim olunur. Qurğu beş elektron mühərriklə təchiz edilib və 3 saat ərzində hərəkətdə ola bilir. Onun maksimal uçuş hündürlüyü təxminən 4 km-dir. pizza mizza
İran, həmçinin GB125 idarə olunan bombalar, "Yasin" döyüş təlim təyyarəsi, qayıqlar və gəmi əleyhinə "SM-300" qanadlı raket sistemi nümayiş etdirib.
Forum avqustun 14-dən 20-dək Alabino poliqonunda və Kubinka aerodromunda keçirilir. Sərgidə 7 ölkədən 85 xarici şirkət və təşkilat iştirak edir.
Telegram kanalımız
