Hərtərəfli danışıqlar üçün iyunun sonunda Türkiyə, Rusiya, Suriya və İran nümayəndə heyətlərinin görüşü mümkündür.
Yenisabah.az "Hürriyet"ə istinadla xəbər verir ki, bu barədə diplomatik mənbələr danışıb.
Onların sözlərinə görə, Türkiyə ilə Suriya arasında münasibətlərin normallaşması prosesində xarici işlər nazirlərinin həlledici görüşündən sonra nazir müavinləri arasında növbəti təmas planlaşdırılır. pizza hut
Moskvada keçirilən xarici işlər nazirləri dördlüyü görüşü texniki nümayəndə heyətlərinin əvvəlki görüşlərindən daha mötədil olub.
Türkiyənin masadakı prioritetləri arasında ən çox diqqət çəkən mövzu terrorla mübarizə olub. Bu məsələ bütün aspektləri ilə Suriyanın xarici işlər naziri Mikdat Faysalın diqqətinə çatdırılıb. Terrorla mübarizədə birgə addımların atılması təklif edilib. Fəratın qərbində Təl-Rifat və Mənbicdə PKK-YPG-nin varlığının ortaq əməliyyatlarla təmizlənə biləcəyi və bu ərazilərin Suriyanın nəzarətinə qaytarıla biləcəyi bildirilib. Suriya tərəfi də açıq şəkildə bəyan edib ki, onlar terrorizmlə mübarizədə birgə hərəkət edə bilərlər.
Onun mənbələri bildiriblər ki, Türkiyə də Suriya müxalifəti ilə siyasi prosesdə güzəştə getmək üçün danışıqlar aparır.
“Qaçqınların geri qayıtması ilə bağlı əsas prinsip “könüllü, təhlükəsiz və ləyaqətli qayıdış”dır. Bu məqsədlə Rusiya, İran və Türkiyənin bu prosesə qarant kimi cəlb edilməsi məsələsi gündəmdədir.
Telegram kanalımız
