Britaniyanın müdafiə naziri Ben Uolles yaxın 2 ildə krallığın hərbi büdcəsini 20% artırmağa çağırıb.
Yenisabah.az "The Times"a istinadla xəbər verir ki, bu barədə hökumətə yaxın mənbə danışıb.
Uolles maliyyə naziri Ceremi Hantdan müdafiə sektoruna ayrılan xərcləri 8 milyard funt-sterlinq (9,6 milyard dollar) artıraraq 11 milyard funta (13,2 milyard dollar) çatdırmağı xahiş edib. Sezar pizza
Ukraynadakı müharibə və inflyasiyaya görə indi Böyük Britaniyanın müdafiə büdcəsi ildə 48,6 milyard funt-sterlinq (58,5 milyard dollar) təşkil edir.
Maliyyə Nazirliyi digər prioritet sahələrə, o cümlədən səhiyyə sektoruna görə müdafiə xərclərini artırmaqdan imtina edib.
Bununla belə, müdafiə mənbələri bildiriblər ki, əlavə vəsait yeni texnika almaq üçün deyil, krallığın silahlı qüvvələrinin hazırkı vəziyyətini dəstəkləmək üçün lazımdır.
Telegram kanalımız
