“Mançester Yunayted”in futbolçusu Çin klubuna keçir

İngiltərənin “Mançester Yunayted” klubunun futbolçusu Maruan Fellayni karyerasını Çində davam etdirəcək.

32 yaşlı belçikalı yarımmüdafiəçi bu ölkənin “Şandun Lunen” klubu ilə müqavilənin detallarını razılaşdırıb. Fellayninin artıq tibbi baxışdan keçdiyi və transferin yaxın zamanda açıqlanacağı bildirilir.

Asiyalılar 3 illik müqavilə bağlayacaqları yığma üzvü üçün klubuna 10 milyon funt sterlinq ödəyəcəklər.  Marqarita pizza

Qeyd edək ki, Fellayni 2013-cü ilin yayında 27,5 milyon funt sterlinq qarşılığında “Everton”dan “Mançester Yunayted”ə transfer olunub. O, az oyunu vaxtı aldığı üçün 2020-ci ilin iyununa qədər müqaviləsi olduğu İngiltərə təmsilçisini tərk etmək qərarına gəlib.

Report