İrəvan üçün sərhədin 1975-ci ilin xəritələri üzrə delimitasiyası məqbuldur. Lakin hələlik Bakı ilə yekun razılaşma yoxdur.
Yenisabah.az "Armenian News"a istinadla xəbər verir ki, bunu Ermənistanın xarici işlər naziri Ararat Mirzoyan deyib.
Onun sözlərinə görə, Moldovada son danışıqlarda Azərbaycan prezidenti İlham Əliyev bu məsələyə heç bir etiraz bildirməyib. “Söhbət beynəlxalq ictimaiyyətin və Ermənistanın anlaşma və razılığının olduğu xəritədən gedir”.
Mirzoyan qeyd edib ki, tərəflər işləri davam etdirəcək.
O, həmçinin qeyd edib ki, Ermənistan tərəfindən 1975-ci ilin xəritəsi ilə sərhədin delimitasiyası və demarkasiyası məqbuldur.
Anklavlar məsələsinə gəlincə, XİN başçısı xüsusilə qeyd etdi: “Delimitasiya və demarkasiya komissiyası onların baş verməsinin hüquqi aspektinin öyrənilməsi məsələsi ilə də məşğul olmalıdır”.
Telegram kanalımız
