"Türkiyə ilə sərhəd bağlı qalır, amma bir gün yuxudan oyanıb, xəbər lentində "Ermənistan-Türkiyə sərhədi açıldı" başlığını oxuya bilərik".
"Yeni Sabah" xəbər verir ki, bunu Varşava Təhlükəsizlik Forumunda Ermənistanın xarici işlər və beynəlxalq ticarət naziri Ararat bildirib.
O qeyd edib: "Bizim vəziyyətimizdə son dərəcə vacib olan üçüncü bir təbəqə var: Ermənistanın qonşuluğu. Gəlin qonşularımızı sadalayaq. Azərbaycan. Biz yenicə sülh bərqərar etmişik və ikitərəfli ticarətə başlamışıq. Nəqliyyat və tranzit üçün bir-birimiz üçün ərazilər, regional əlaqələri açırıq. Lakin həll edilməli olan bir sıra həssas məsələlər qalır. pizza sifarişi
Qərbdə çox intensiv dialoq apardığımız Türkiyə var. Münasibətləri normallaşdırırıq, lakin sərhəd hələ də bağlıdır. Cənubda mürəkkəb regional mühiti, şəraiti və problemləri olan İran var. Şimalda isə Gürcüstan və Rusiya var.
Rusiyaya gəldikdə, bu ölkə ilə mümkün reaksiyanı və münasibətlərin xüsusiyyətlərini təsəvvür edə bilərsiniz. Tarixən çox yaxın münasibətlərimiz olub və bu gün də güclü əlaqələrimizi qoruyub saxlayırıq, lakin mümkün reaksiya diqqətlə nəzərdən keçirilməlidir. Heç kim yeni düşmənlər qazanmaq istəmir və heç bir üçüncü tərəfə zərər verməkdə maraqlı deyilik.
Gürcüstana gəldikdə isə, təsəvvür edin ki, Gürcüstan Aİ-yə inteqrasiya yolunu davam etdirsəydi, nə qədər asan olardı. Bu, əhəmiyyətli bir fərq yaradar və eyni zamanda Xarici İşlər Naziri ilə bu mərhələdə müzakirəmizin mahiyyətini dəyişdirərdi".
Telegram kanalımız
