"Paşinyan müttəfiqlərinə güvənmir və sui-qəsddən qorxur".
Bakupost.az xəbər verir ki, bu barədə Ermənistanın "Hraparak" nəşri bildirib.
Məqalədə qeyd olunur ki, hakim “Mülki Müqavilə” partiyasında ciddi fikir ayrılıqları var, bu da baş nazir Nikol Paşinyanın İdarə Heyətinə rəhbərliklə bağlı diktə etməsinə səbəb olub: "Məlumata görə, müdafiə naziri Suren Papikyan və vitse-mer Tiqran Avinyan arasında bu post uğrunda ciddi mübarizə gedirdi. Ona görə də partiya üzvləri Paşinyanın İdarə Heyətinə özünün rəhbərlik etmək qərarına təəccübləniblər. Çoxları gözləyirdi ki, ənənəyə görə, Paşinyan kollegiyaya rəhbərlik etməkdən imtina edəcək, lakin bu, baş vermədi. “Mülki Müqavilə” partiyasında hesab edirlər ki, Paşinyan artıq ən yaxın ətrafına belə etibar etmir. O, partiyanı şəxsən idarə etmək və ona qarşı bütün mümkün sui-qəsdlərin qarşısını almaq qərarına gəlib".
Məqalədə həmçinin qeyd olunur ki, İdarə Heyəti Paşinyanın şəxsi mülahizələri əsasında formalaşdırılıb, bəzi üzvləri cəzalandırmaq, bəzilərini isə həvəsləndirmək üçün partiya daxilində ciddi işlər aparılıb.
Telegram kanalımız
