Rusiya Dneprdə yaşayış binasını qeyri-dəqiq “Kh-22” raketi ilə vurub. Belə raketlər əvvəllər də Ukraynanın dinc əhalisi arasında kütləvi tələfatlara səbəb olub.
Yenisabah.az xəbər verir ki, bu barədə Böyük Britaniya Müdafiə Nazirliyinin Kəşfiyyat Xidməti (MI6) məlumat yayıb.
MI6-in hesabatlarına əsasən, yanvarın 14-də Rusiya Federasiyası təxminən 15 gün ərzində ilk dəfə olaraq Ukraynanın infrastruktur obyektlərinə uzun mənzilli raket zərbələrini bərpa edib. Hədəf isə əvvəlki kimi, Ukraynanın elektrik şəbəkəsi olub. Lakin raketlərdən biri yaşayış binasına düşüb. pizza
Eyni zamanda Böyük Britaniyanın Müdafiə Nazirliyi qeyd edib ki, Rusiya bu zərbəyə görə məsuliyyəti yalandan Ukraynanın hava hücumundan müdafiə sisteminin üzərinə atıb.
Qeyd edək ki, “Kh-22” yerüstü hədəflərə qarşı istifadə zamanı qeyri-dəqiqliyi ilə tanınır, çünki onun radar yönləndirmə sistemi şəhər yerlərində hədəfləri ayırd etmir. Bu tip raket yüksək dəqiqlikli zərbələr üçün yararsızdır və Ukraynadakı müharibədən əldə edilən dəlillər Rusiyanın uzaqmənzilli zərbə qabiliyyətinin disfunksiyasının daha dərin olduğunu göstərir.
Telegram kanalımız
