ABŞ-də benzinin qiyməti son dörd ilin ən yüksək həddinə çatıb.
“Yeni Sabah” xəbər verir ki, Amerika Avtomobil Assosiasiyasının (AAA) yaydığı son məlumatlara görə, 1 qallon benzinin orta satış qiyməti kəskin artaraq 4,50 dolları ötüb. Xüsusilə Kaliforniya kimi iri ştatlarda qiymətlərin artıq 6 dollarlıq psixoloji həddi keçməsi əhali arasında ciddi narahatlığa səbəb olub.
Ekspertlər bu bahalaşmanı ilk növbədə Yaxın Şərqdə gərginləşən geosiyasi vəziyyət və qlobal neft bazarındakı qeyri-sabitliklə əlaqələndirirlər. Strateji əhəmiyyətli su yollarında yaranan risklər dünya birjalarında xam neftin qiymətini bir barel üçün 110 dollardan yuxarı qaldırıb ki, bu da birbaşa daxili bazarda yanacaq qiymətlərinə təsir edib. Bundan əlavə, yay mövsümünün başlanması ilə əlaqədar yanacağa olan tələbatın kəskin artması və emal müəsissələrinin bu tələbi tam qarşılaya bilməməsi də vəziyyəti ağırlaşdıran əsas amillərdən biridir. Toyuqlu pizza
Ağ Ev rəsmiləri qiymət artımını qlobal bazar konyunkturası ilə izah etsələr də, müxalifət tərəfi hazırkı enerji siyasətini kəskin tənqid edir. Analitiklərin fikrincə, tədarük zəncirindəki problemlər yaxın vaxtlarda həll olunmasa, yanacaq xərclərinin artması ABŞ-da ümumi inflyasiyanı daha da sürətləndirə bilər. Sürücülər isə artıq indidən büdcələrinə qənaət etmək üçün alternativ yollar axtarmağa başlayıblar.
Nazim Hacıyev
Telegram kanalımız
