ABŞ Prezidenti Donald Tramp İranla müharibənin enerji təsirlərini müzakirə etmək üçün neft və qaz şirkətlərinin rəhbərləri ilə görüşüb.
"Yeni Sabah" Axios-a istinadla xəbər verir ki, bunu adı açıqlanmayan mənbə bildirib.
Ağ Evin aparat rəhbəri Suzi Uayls, Xəzinədarlıq katibi Skott Bessent və xüsusi nümayəndələr Stiv Uitkoff və Cared Kuşner görüşdə iştirak ediblər.
"Chevron" şirkətinin sözçüsü baş direktor Mayk Virtin iştirakını təsdiqləyib.
Adı açıqlanmayan Ağ Ev rəsmisi bildirib: "Prezident daxili və beynəlxalq enerji bazarlarındakı vəziyyətin qiymətləndirilməsi üçün enerji şirkətlərinin rəhbərləri ilə müntəzəm olaraq görüşür. Mövzular daxili istehsal, Venesueladakı irəliləyiş, neft fyuçersləri, təbii qaz və gəmiçilik sahələrini əhatə edirdi.
Görüş Hörmüz boğazının bağlanması Yaxın Şərqdə enerji təchizatında görünməmiş pozuntulara səbəb olduğu bir vaxtda baş tutub. Bundan əlavə, BƏƏ bir gün əvvəl OPEC və OPEC+ təşkilatlarından çıxdığını elan etdi və bu da neft qiymətlərində daha bir artıma səbəb oldu".
Tramp və Konqresdəki Respublikaçı nümayəndələri hazırda qlobal neft qiymətləri ilə əlaqəli olan ABŞ-ın yüksək benzin qiymətlərinin siyasi nəticələrinə hazırlaşırlar.
Telegram kanalımız
