İstanbul Qaçaqmalçılıq Cinayətləri ilə Mübarizə Şöbəsi İstanbulun Kadıköy rayonundakı villaların birində vəhşi heyvan və bitki növləri üzrə beynəlxalq konvensiyaya daxil olan buynuz və heyvan hissələri aşkarlayıb.
Yenisabah.az xəbər verir ki, təxminən 6 ay villa sahibini təqib edən polis Təbiəti Mühafizə və Milli Parklar Müdirliyinin əməkdaşını sözügedən villaya müştəri kimi göndərib. Bundan sonra polis əməliyyata başlayıb.
Dəbdəbəli evin bir mərtəbəsində 485 cüyür buynuzu, 13 cüyür kəlləsi, 271 maral buynuzu, 55 maral buynuz parçası, 5 qoşabuynuzlu qırmızı maral kəlləsi, 2 buynuzsuz cüyür kəlləsi, 13 ədəd cüyür sümüyü aşkar edilib. Toyuqlu pizza
Bundan əlavə, evdən 29 antilop buynuzu, 50 ağquyruq buynuzu, 5 qoşabuynuzlu dağ keçisi kəlləsi, 20 dağ keçisi buynuzu, 5 bizon buynuzu da tapılıb.
Eyni zamanda, villadan yunan, Roma, Bizans və Osmanlı dövrlərinə aid müxtəlif forma və ölçülərdə 29 ədəd çini qab, top mərmisi, sədəf naxışlı qaşıqlar, 35 Roma və İslam dövrü sikkələri, 4 ədəd ox ucu və s. müsadirə olunub.
Əməliyyat çərçivəsində ələ keçirilən heyvan hissələri Təbiəti Mühafizə və Milli Parklar Müdirliyinə, tarixi əsərlər isə Muzey Müdirliyinə təhvil verilib.
Mülk sahibi həbs olunub.
Telegram kanalımız
