Avropa Xəstəliklərin Qarşısının Alınması və Nəzarət Mərkəzi (ECDC) Türkiyə və Suriyanın zəlzələdən zərər çəkmiş bölgələrində vəba da daxil olmaqla, yoluxucu xəstəliklərin yayılması risklərini bildirən mesaj yayıb.
Yenisabah.az xəbər verir ki, Türkiyə və Suriyanın zəlzələdən sonrakı əsas sağlamlıq ehtiyacları səhiyyə sistemindəki xəsarətlər və pozulmalarla bağlıdır, lakin yoluxucu xəstəliklərin yayılması təhlükəsi yaxın iki-dörd həftə ərzində narahatlıq yarada bilər.
"Yaxın həftələrdə təsirlənmiş ərazilərdə vəba hadisələrinin artması ehtimalı yüksəkdir", - deyə bəyanatda bildirilir. pizza sifarişi
Bundan əlavə, ekspertlər qurbanlar üçün düşərgələrdə hepatit A və rotavirus kimi digər xəstəliklərin də inkişafını istisna etmirlər.
ECDC izah edib ki, təmiz suya məhdud çıxış, qeyri-adekvat sanitar və gigiyenik şərait və qidaların düzgün bişirilməməsi infeksiyaların yayılmasına səbəb ola bilər.
Mütəxəssislərin dediyinə görə, tənəffüs yoluxucu xəstəliklər qurbanların müvəqqəti düşərgələrə köçürülməsi səbəbindən "xüsusi narahatlıq doğurur".
Telegram kanalımız
