Arıqlama prosesində ən çox verilən suallardan biri “Bədənim hazırda yağ yandırırmı?” sualıdır. İsveçrəli alimlərin hazırladığı yeni cihaz bu suala qan analizi olmadan cavab verməyi vəd edir. Cəmi bir neçə dəqiqə ərzində nəticə göstərən texnologiya artıq mütəxəssislərin diqqətini çəkib.
“Yeni Sabah” xəbər verir ki, İsveçrədə hazırlanmış alkoqol test cihazına bənzər portativ qurğu insanın nəfəsini analiz edərək orqanizmin yağ yandırmağa başlayıb-başlamadığını müəyyən edə bilir. ETH Zurich universitetinin “Alivion AG” şirkəti tərəfindən hazırlanan və “Nutrion” adlandırılan cihaz ağıllı telefona qoşulur. Qurğu orqanizm yağ yandırmağa başladığı zaman nəfəsdə yaranan aseton molekulunu ölçür. pizza mizza
Bu texnologiya sayəsində istifadəçilər idman və ya pəhriz zamanı orqanizmin karbohidrat yandırmaqdan yağ yandırmağa nə vaxt keçdiyini öyrənə bilirlər. Aparılan sınaqlarda cihaz 12 könüllüdən götürülən yüzlərlə nəfəs nümunəsini uğurla analiz edib. Ölçmənin nəticəsi təxminən 90 saniyə ərzində mobil telefonda görünür.
Hazırda bu cihaz beynəlxalq elmi tədqiqatlarda və bəzi tibb mərkəzlərində istifadə olunur.
Əsmətxanım Rzazadə
Telegram kanalımız
