Çində elektrikli avtomobil bazarında rəqabət daha da güclənir. Bu ilin ikinci yarısında bazara çıxarılacaq yüzlərlə yeni model həm iri avtomobil şirkətlərini, həm də kiçik istehsalçılarıoo ciddi sınaq qarşısında qoya bilər. Mütəxəssislər hesab edirlər ki, bazarda hətta iflas dalğası da yaşana bilər.
“Yeni Sabah” xəbər verir ki, 2026-cı ilin ikinci yarısında Çin avtomobil bazarında 156 yeni elektrikli avtomobil modelinin satışa çıxarılması planlaşdırılır.
Bazar iştirakçıları arasında güclü rəqabət davam etsə də, Çin hökuməti maya dəyərindən aşağı qiymətə satışın qarşısını almaq üçün yeni qaydalar tətbiq edib. Bununla qiymət müharibələrinin zəiflədilməsi hədəflənir. Bildirilir ki, Çin istehsalçılarının sürətli inkişafı fonunda Qərbin ənənəvi avtomobil şirkətləri bazarda mövqelərini itirirlər. Bu səbəbdən “Volkswagen” Qrupu dörd zavodunu bağlamağı və təxminən 100 min əməkdaşını ixtisar etməyi planlaşdırır. pizza sifarişi
İlin ilk yarısında satışlarının azalmasından sonra Çinin aparıcı elektromobil istehsalçılarından olan BYD inkişaf etmiş batareya və sürətli enerji doldurma texnologiyalarına malik yeni modellərini bazara çıxarmağa hazırlaşır.
Sektor nümayəndələri hesab edirlər ki, ilin ikinci yarısı xüsusilə kiçik avtomobil istehsalçıları üçün ağır keçəcək və bazarda iflasların sayı arta bilər.
Əsmətxanım Rzazadə
Telegram kanalımız
