Avtomobillərin bu hissəsinə plyonka yapışdırılması qadağan edildi  - RƏSMİ
12 Apr 2021 18:57
2041

Avtomobillərin bu hissəsinə plyonka yapışdırılması qadağan edildi - RƏSMİ

Prezident İlham Əliyev “Yol hərəkəti haqqında| qanuna təklif edilən dəyişiklikləri təsdiqləyib.

Yenisabah.az xəbər verir ki, qanuna əsasən, nəqliyyat vasitələrinin nasazlıqlarının siyahısı dəyişib.

Sürücünün görünüş dairəsini məhdudlaşdıran, şüşənin şəffaflığını korlayan, yol hərəkəti iştirakçılarını zədələmək təhlükəsi yaradan nəqliyyat vasitələrinin nasazlıqları sırasına jalüz çəkilməsi də daxil edilib.

Eyni zamanda, avtomobillərin və avtobusların qabaq  şüşəsinin yuxarı hissəsində rəngli, şəffaf plyonka bərkidilməsinə dair müddəa ləğv edilir. İşığı buraxması dövlət standartlarının tələblərinə uyğun olan, sənaye üsulu ilə hazırlanan rəngli şüşələrin (güzgü-şüşələrdən başqa) tətbiqinə isə yenə də icazə veriləcək.

Qeyd edək ki, Nazirlər Kabineti sürücünün görünüş dairəsini məhdudlaşdırmamaq şərtilə nəqliyyat vasitələrinin şüşələrinə örtüklərin (pərdə, jalüz və plyonka) çəkilməsi qaydasını müəyyən edəcək.

Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər